Makina përplas tre gra para lokalit në Fushë-Arrëz, si është gjendja e të lënduarave

Një aksident që fatmirësisht nuk ka shkaktuar viktima ka ndodhur në hyrje të qytetit të Fushë-Arrëzit, ku automjeti që drejtohej nga 31-vjeçari F. R. ka dalë nga rruga duke përplasur tre gra të cilat ndodheshin në pjesën e jashtme të një lokali.

Nga aksidenti janë dëmtuar lehtë shtetaset B. V. dhe V. Gj., ndërsa shtetasja F. B. është dërguar për mjekim më të specializuar në Tiranë dhe ndodhet jashtë rrezikut për jetën.

Njoftimi i policisë:

“Rreth orës 22:30, në hyrje të qytetit të Fushë-Arrëzit, shtetasi F. R., 31 vjeç, duke drejtuar automjetin, dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga duke përplasur 3 shtetase që ndodheshin në pjesën e jashtme të një lokali.

Nga aksidenti janë dëmtuar lehtë shtetaset B. V., V. Gj., ndërsa shtetasja F. B., është dërguar për mjekim më të specializuar në Tiranë, jashtë rrezikut për jetën.

Grupi hetimor po punon për zbardhjen e rrethanave të aksidentit,” thuhet në njoftim.

LEXONI GJITHASHTU:

• EMRI/ Tjetër ekstradim nga Dubai, drejt Tiranës Denis Brajoviç, alias Bajri
• Plagoset me thikë 24-vjeçari pas sherrit në një lokal në Vlorë, çfarë thotë policia