Nga 1 gushti, gati formati i recetës për barnat

Prej 1 gushtit, mjekët do të mund të përshkruajnë barnat vetëm në këtë format recete të miratuar tashmë nga Ministria e Shëndetësisë.

Urdhëri i ministres i cili ka saktësuar detajet në recetë, është shpërndarë tashmë në të gjitha institucionet shëndetësore por dhe farmacitë që janë pritëset e këtij dokumenti. Diana Toma, ish presidente e urdhërit të farmacistit në një intervistë për Euroneës Albania, thotë se mungesa e kësaj recete deri më tani e kishte kthyer situatën në serioze.

“Quheshin receta, por kur në këtë dokument ka raste kur mungojnë të dhënat e pacientit, të dhëna të tjera, mosha, diagnoza, emri i mjekut lëshues. Këto e bëjnë një dokument të pasaktë. Tashmë kemi një format të aprovuar që duhet ti përmbajë”, tha Diana Toma, farmaciste.

Dhe pse sipas Tomës do të duhet të ishte një rregullore dhe jo urdhër ministri, ajo sërish shprehet se nëse do të plotësohet me rigorozitet do të shmang gabimet si pasojë e shkrimeve të pakuptueshme por dhe konfliktin e interest.

“Ka pasur raste që vetëm një gërmë ka ndryshuar dhe që çon në gabim. Nga ana tjetër minimizon pjesën e konfliktit të interest”, tha ajo.

Pas këtij udhëzimi, mjekët dhe farmacistët do të duhet të bazohe vetëm në këtë recetë, dhe të mos lëshojnë dhe apo pranojnë receta të tjera.

LEXONI GJITHASHTU:

• Policia thirrje qytetarëve: Mos klikoni në këto linqe, ju vjedhin të dhënat e bankës
• Gjykata e Lartë rrëzon rekursin e Altin Morinës, mbetet në burg