VIDEO/ Zjarri rrezikon banesat në Shpirag, kërkohet evakuimi i banorëve

Situata në malin e Shpiragut, në afërsi të Beratit, vijon të jetë serioze, ndërsa zjarri i madh ka avancuar pranë zonave të banuara, duke vendosur në rrezik banesat.

Nga dita e djeshme, mbi dhjetëra forca zjarrfikëse dhe dy helikopterë të ushtrisë po angazhohen në shuarjen e flakëve, ndërsa ndihmë u jep edhe ushtria me forcat e saj tokësore.

Autoritetet lokale dhe emergjencat civile kanë nisur procesin e evakuimit të banorëve në zonat më të prekura, për të shmangur rreziqet dhe për të garantuar sigurinë e jetës së tyre.

Situata mbetet e ndërlikuar për shkak të erës dhe terrenit të vështirë, që po pengojnë punën e forcave zjarrfikëse.

LEXONI GJITHASHTU: 

• “Largohuni”- Zjarri rrezikon banesat në Paftal, e moshuara refuzon evakuimin: S’iki

• 29 vatra zjarri në Shqipëri, 13 ende aktive situata mbetet e vështirë në disa qarqe