Apeli i GJKKO rrëzon ankimimin e Arbër Veliajt për kontrollet e SPAK

Gjykata e Posaçme e Apelit për Korrupsionin dhe Krimin e Organizuar ka refuzuar ankimimin e Arbër Veliajt, vëllait të kryebashkiakut Erion Veliaj, lidhur me kontrollet e kryera në dhjetor 2024 në banesat dhe ambientet e bizneseve të tij nga SPAK.

Vendimi, i marrë nga gjyqtari Engert Pëllumbi më 31 korrik 2025, konfirmon vendimin e shkallës së parë dhe i jep të drejtë institucioneve për të vijuar hetimet ndërsa kundër këtij vendimi lejohet ankimimi në Gjykatën e Lartë.

Njoftimi i plotë i GJKKO

“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Engert Pëllumbi, sot më 31.07.2025, shpalli vendimin mbi çështjen penale nr. 183, datë 25.07.2025 regjistrimi, kthyer për rishqyrtim tek i njëjti trup gjykues nga Gjykata e Lartë, pas prishjes së vendimit nr. 51, datë 28.02.2025, të Gjykatës së Posaçme të Apelit për Korrupsionin dhe Krimin e Organizuar – disponuar mbi ankimet e paraqitura nga ankuesit A.V. dhe shoqëria “G.” sh.p.k., ndaj vendimit nr. 730, datë 20.12.2024 të Gjykatës së Posaçme të Shkallës së Parë për Korrupsionin dhe Krimin e Organizuar, dhe vendosi:

1. Mospranimin e ankimit të ankuesve A.V. dhe shoqëria “G.” sh.p.k., kundër vendimit nr. 730, datë 20.12.2024 të Gjykatës së Posaçme të Shkallës së Parë për Korrupsionin dhe Krimin e Organizuar;
2. Ky vendim t’u njoftohet ankuesve dhe kundër tij lejohet rekurs në Gjykatën e Lartë sipas ligjit;
3. Tiranë, më 31.07.2025.”, thuhet në njoftimin e SPAK.

LEXONI GJITHASHTU:

• GJKKO la në fuqi sekuestron e celularit, GJL prish vendimin për Arbër Veliajn
• Kërkoi lirinë kundrejt garancisë pasurore, Apeli i GJKKO merr vendimin për Veliajn