“Jemi me Gazën dhe Ukrainën” – Mesazhi i Papës për Jubileun Rinor

Papa Leoni XIV u bëri thirrje të dielën më shumë se një milion të rinjve katolikë të mbledhur në Romë për Jubileun Rinor, që të përhapin entuziazëm dhe të dëshmojnë besimin e tyre kur të kthehen në shtëpi, në më shumë se 150 vende të botës.

Jubileu Rinor, i mbajtur në Tor Vergata, në periferinë jugore të Romës, është një nga eventet kryesore të vitit të shenjtë, i nisur nga Papa Françesku dhe shënon takimin e parë të Papës së ri me gjeneratën e ardhshme të katolikëve.

Ati i shenjtë u dërgoi një mesazh shprese të rinjve në Ukrainë dhe Gaza. “Ne jemi me të rinjtë në Gaza, ata në Ukrainë dhe ata të çdo toke të përgjakur nga lufta”, tha Papa Leoni.

“Ju jeni sinjali”, vijoi ai, “se një tjetër botë është e mundur”. “Një botë miqësore, ku konfliktet të mos zgjidhen me anë të armëve, por përmes dialogut”, u shpreh Papa.

Celebrimi u mbyll me njoftimin zyrtar të Ditës Botërore të Rinisë, që do të mbahet gushtin e vitit të ardhshëm.

“Pelegrinazhi i shpresës do të vazhdojë dhe do të na çojë në Azi. Të rinj nga e gjithë bota do të bëhen bashkë me pasardhësin e Shën Pjetrit për të festuar Ditën Botërore të Rinisë në Seul, nga data 3 në 8 gusht 2027”, tha Papa.

LEXONI GJITHASHTU:

• Lufta në Gazë, Papa bisedon me presidentin e Autoritetit Palestinez
• Papa Leoni letër mirënjohjeje për Kryepeshkopin Joan