Ujësjellësit rrisin borxhet, shtohen faturat e papaguara, furnizimi me 24 orë brenda 2023

Ujësjellësit në vend përballen më vështirësi financiare dhe borxhe që arrijnë deri në 17 miliardë lekë. Këto janë vetëm faturat e papaguara të Energjisë Elektrike, ndërsa viti 2020, prodhoi edhe probleme në drejtim të mbulimit të furnizimit me ujë dhe pamundësisë së familjeve për të paguar faturat e ujit.

“Pandemia përkeqësoi treguesit financiarë sepse pritet një mbledhje më e vogël e tarifave, nga krijimi i papunësisë së përkohshme, që rriti numrin e familjeve me ndihmë ekonomike”, tha Ndriçim Shani, drejtor i Entit Rregullator të Ujit.

Kreu i ERRU-së iu përgjigj në Komisionin e Veprimtarive Prodhuese edhe interesit të deputetëve në lidhje me furnizimin 24 orë me ujë të kryeqytetit.

“Kryeministri ka thënë në vitin 2023, unë jam më pak më shumë optimist, besoj pak më përpara”, shtoi Shani.

Ai theksoi si domosdoshmëri studimin mbi familjet me ndihmë ekonomike  dhe ndikimin financiar te kompanitë e ujësjellës-kanalizimeve, ndërsa uji pa të ardhura arrin në 61% të ujit që nuk faturohet.