U kap me armë, municione dhe pranga policie, arrestohet 21-vjeçari në Tiranë

Policia e Tiranës ka arrestuar një 21-vjeçar me akuzën e mbajtjes pa leje të armëve dhe municione. Në kuadër të operacionit të koduar “Kryqëzimi” u vu në pranga shtetasi G. Q., 21 vjeç, banues në Babrru.

Ai u ndalua nga shërbimet e Policisë, teksa lëvizte me një automjet tip “Audi”, te kryqëzimi i Valiasit.

Në vijim të veprimeve procedurale u kryen kontrolle në automjetin dhe në banesën e 21-vjeçarit, ku u gjetën 1 armë zjarri pushkë me municion, 1 armë e ftohtë (thikë), pranga si të Policisë dhe 1 kapuç për maskim.

Materialet procedurale iu referuan Prokurorisë së Tiranës, për veprime të mëtejshme.

LEXONI GJITHASHTU:

• Lëvizte me armë zjarri dhe kërcënoi një shtetas, pranga 27-vjeçarit dhe të vëllait
• 18-vjeçari qëllon me armë banesën e fqinjit, arrestohet nga policia