Pakistan, gjendet trupi i një burri të zhdukur prej 28 vitesh brenda një akullnaje

Një trup i pajetë, i ruajtur në mënyrë të jashtëzakonshme, është gjetur brenda një akullnaje që po shkrihej në rajonin Kohistan të Pakistanit. Trupi i përkiste Naseeruddin, i zhdukur që prej vitit 1997.

Zbulimi u bë nga një bari në zonën e njohur si “Lugina e Zonjës”, i cili pa trupin rastësisht. Identifikimi u bë përmes kartës së identitetit që u gjet në rrobat e tij, të cilat gjithashtu ishin të paprekura.

Sipas familjarëve, Naseeruddin ishte larguar pas një mosmarrëveshjeje dhe besohet se ka rënë në një çarje akulli gjatë një stuhie dëbore. Ekspertët e lidhin zbulimin me shkrirjen e akullnajave për shkak të ndryshimeve klimatike.

LEXONI GJITHASHTU: 

• Pakistani rifillon dëbimin e 1.4 milion afganëve, pavarësisht shqetësimeve nga OKB
• Pakistani do të shqyrtojë zgjatjen e afatit për largimin e refugjatëve afganë