VIDEO/ Zjarr masiv në drejtim të Poliçanit, evakuohen të moshuarit nga azili
Situata në Poliçan është alarmante, pasi një vatër aktive zjarri po përparon me shpejtësi drejt qytetit.
Zona është mbuluar nga tymi dhe flakët, ndërsa autoritetet kanë nisur evakuimin e banorëve.
Të moshuarit e strehuar në azilin e pleqve janë evakuuar, ndërsa po vijon evakuimi i banorëve në zonën e Plirezës.
Zjarri është gjithashtu duke avancuar në drejtim të fshatit Mbrakull, duke rritur rrezikun për zonat e banuara.
Kryetari i Bashkisë Poliçan, Adriatik Zotkaj, ka kërkuar ndihmë të menjëhershme nga institucionet shtetërore për menaxhimin e situatës.
Jashtë territorit të Uzinës Mekanike në bashkinë Poliçan, vatra e zjarrit vijon të digjet në një sipërfaqe me shkurre dhe ullishte.
Në terren ndodhen forcat e MZSH të bashkive Poliçan, Berat dhe Skrapar me 7 automjete zjarrfikëse dhe 25 efektivë, të cilët po punojnë për vënien nën kontroll të flakëve, megjithatë përballen me vështirësi për shkak të terrenit dhe përhapjes së shpejtë të zjarrit.
Zjarr masiv në drejtim të Poliçanit, evakuohen të moshuarit nga azili pic.twitter.com/CZhaAMMBaV
— Euronews Albania (@EuronewsAlbania) August 10, 2025
Zjarre janë raportuar edhe në zona të tjera të qarkut Berat
Në fshatin Kozare, pranë pusit nr. 4, në njësinë administrative Kozare, bashkia Kuçovë, është përfshirë nga flakët një sipërfaqe me shkurre dhe ferra.
Në vendngjarje ndodhen forcat zjarrfikëse të MZSH Kuçovë, të cilët po punojnë për shuarjen e zjarrit.
Po ashtu, në fshatin Goriçan, njësia administrative Kutalli, bashkia Dimal, një zjarr ka përfshirë një sipërfaqe me ullinj.
Në terren janë angazhuar forcat e MZSH Dimal me 3 automjete zjarrfikëse dhe 9 efektivë, të cilët po punojnë për neutralizimin e flakëve.
Autoritetet u bëjnë thirrje banorëve të tregojnë kujdes dhe të bashkëpunojnë me strukturat e emergjencës deri në normalizimin e situatës.
LEXONI GJITHASHTU:
Kryefaqja
Vrasja e policit gjatë operacionit në Maliq, Lamallari nga Trauma: Hetim i thelluar mbi përgjegjësitë
Plumba mbi policinë, vritet efektivi në krye të detyrës, plagoset kolegu i tij
“Të bashkuar në dhimbje, të bashkuar në detyrë”, mesazhi i shpërndarë nga punonjësit e policisë për kolegun e vrarë
- 13:47 Vrasja e policit gjatë operacionit në Maliq, Lamallari nga Trauma: Hetim i thelluar mbi përgjegjësitë
- 13:36 Prishtina solidarizohet me Tiranën, protestë kundër investimit në Zvërnec
- 13:34 Samiti BE-Ballkani Perëndimor më 5 qershor, zbardhen pikat kryesore të agjendës
- 13:30 Plumba mbi policinë, vritet efektivi në krye të detyrës, plagoset kolegu i tij
- 13:28 Bordi i Transparencës publikon çmimet e reja të karburanteve, sa do shitet nafta dhe benzina
- 13:22 Presidenti finlandez propozon një BE me 40 anëtarë, përfshirë Kanadanë