Sulmuesi Rodrygo larg Real Madrid, 3 skuadra angleze e kërkojnë

Braziliani Rodrygo e sheh veten gjithnjë e më larg Realit të Madridit, ndërsa largimi i tij pritet të bëhet këtë verë, ndërsa interesi për ta transferuar ka qenë i lartë. 3 gjigantët e Premier League Arsenal, Liverpool dhe Manchester City janë duke vëzhguar nga afër situatën e futbollistit, ndërsa pritet që të ndërhyjnë seriozisht për ti bërë një ofertë zyrtare.

Kampionat në fuqi të Anglisë, në rast se nuk arrijnë dot akordin me Newcastle për Isak, atëherë zgjedhja e tyre do të jetë Rodrygo, si një alternativë e mirë në sulm. Në anën tjetër, the cityzens po ashtu kanë qenë në survejim të Rodrygo, por për ta afruar atë fillimisht duhet të ketë largime. Grealish dhe Savinho pritet që të largohen ose të paktën njëri prej tyre, për ti hapur rrugë afrimit të lojtarit madrilen.

Arsenal duket i kompletuar me afrimin e Gyokeres, por gjithsesi Arteta do ta dëshironte në skuadër edhe 24-vjecarin, me shpresën se do ta ulte ndopak vlerën e kartonit të tij. Megjithatë spanjolli preferon dhe sulmuesin Eze të Crystal Palace, por më parë do të duhej të shiteshin Martinelli dhe Trossard. Sa i përket Rodrygo, ai nuk është në planet e teknikut Alonso, me këtë të fundit që po projekton formacionin titullar për sezonin e ri, e natyrisht braziliani nuk është pjesë.