Masakra me kuajt në Llogara, juristi: Akt barbar, duhet të ketë dënim më të rëndë

Një tufë me kuaj u qëllua me armë gjahu në malin e Llogarasë pak ditë më parë. Kjo masakër ngjalli indinjatën e opinionit publik.

Por cili është qëndrimi i qytetarëve për këtë ngjarje?

më kafshë se kafshët janë disa njerëz me dy këmbë që tregohen më kafshë se kafshët me 4 këmbë”, shprehet një qytetar.

“Kafsha duhet të mbrohet, kafsha është si njëri, vetëm që nuk ka gojë të flasë”, shprehet një tjetër.

Për braktisjen apo keqtrajtimin e kafshëve, sipas ligjit parashikohet gjobë e deri me dënimin me burg.

“Ligji aktual parashikon dënime deri disa muaj ose dhe me gjobë”, thotë juristi Edvis Gorishti.

Juristët kërkojnë ashpërsim të ligjit dhe një gjë e tillë parashikohet edhe në draftin e kodit të ri penal.

“Vihet re një ndryshim iu lehtë në kodin e ri penal, parashikohet një dënim deri në 3 vjet, nëse ngordh kafsha dënimi shtohet me 50 për qind. Është një akt shumë barabar, s’e kisha dëgjuar ndonjëherë, duhet të parashikohet një dënim më i rëndë ndaj rasteve të tilla”, shprehet juristi.

Për këtë ngjarje policia nisi hetimin për një 55-vjeçar, si autori i dyshuar që qëlloi ndaj 22 kuajve. Gjithashtu është sekuestruar edhe arma e gjahut, ku do t’i nënshtrohet ekzaminimeve të mëtejshme për të faktuar pretendimit e pronarit të kuajve.