Zjarret në Mal të Zi, një ushtar humb jetën në luftë me flakët

Një ushtar në Malin e Zi ka vdekur dhe një tjetër është plagosur rëndë si pasojë e përmbysjes së një autocisterne që po përdorej për të shuar zjarret në rajonin Kuça, afër Podgoricës.

Lajmin e ka bërë të ditur Ministria e Mbrojtjes, sipas të cilës, ushtria në bashkëpunim me autoritetet e tjera përkatëse ka nisur hetimet mbi incidentin.

Aktualisht forcat e armatosura janë të angazhuara për shuarjen e zjarreve që kanë përfshirë zonën rreth kryeqytetit malazez dhe rajonet mes Budvës dhe Tivarit.

Flakët përreth Podgoricës kanë djegur disa shtëpi dhe prona, ndërkohë që shumë banorë janë evakuuar.

Për shkak të tymit dhe ajrit të ndotur, Instituti për Shëndetin Publik u ka rekomanduar qytetarëve që të shmangin daljen në ambientet e jashtme.

Aktualisht në Malin e Zi është aktivizuar alarmi i kuq për shkak të situatës së rëndë, me flakët që favorizohen edhe nga erërat e forta.

LEXONI GJITHASHTU: 

• VIDEO/ Banorja me lot në sy përplaset me policinë: Erdhët me vonesë, mu dogj shtëpia
• Zjarret në Gramsh, përfshihet nga flakët fshati Harunas! Rregjistrohen 6 të plagosur