Kërkon lirinë nga burgu, GJKKO shqyrton sot kërkesën e Ilir Metës

GJKKO do të shqyrtojë sot, në orën 10:00 kërkesën e ish presidentit Ilir Meta për të ndryshuar masën e sigurisë “arrest në burg”.

Në seancën e shkuar të Ilir Metës, SPAK i komunikoi zyrtarisht përfundimin e hetimeve. Vetë ish-presidenti nuk është paraqitur personalisht në seancë, por ka firmosur deklaratë ku autorizon avokatin Kujtim Cakrani që ta përfaqësoj,

Seanca ku Meta kërkon zbutjen e masës së sigurisë drejtohet nga gjyqtari i hetimeve paraprake Erjon Çela, i cili është rikthyer nga pushimet dhe që ishte arsyeja e shtyrjes së seancës herën e shkuar.

Ish-presidenti akuzohet për korrupsion, pastrim parash dhe fshehje pasurie, për çështjet që kanë të bëjnë me dosjen e lobimit të LSI në SHBA dhe aferën CEZ-DIA. Ai u arrestua më 21 Tetor 2024 dhe që prej atij momenti qëndron në paraburgim me masë “arresti në burg”.

LEXONI GJITHASHTU:

• GJKKO lë sërish në burg Ilir Metën, rrëzohet kërkesa e avokatëve të ish-presidentit
• Ilir Meta kërkoi lirinë, shtyhet për javën e ardhshme seanca, avokati: Do të lirohet
• Ushtarë, banorë e zjarrfikës në luftë me flakët, çfarë ndodhi gjatë natës në Delvinë