Ushtarë, banorë e zjarrfikës në luftë me flakët, çfarë ndodhi gjatë natës në Delvinë

Banorët e Delvinës i kaluan orët e para të së mërkurës në rrugë dhe të panikosur nga frika e rrezikut të zjarrit të madh që përfshiu zonën.

Ndërsa flakët përhapeshin me shpejtësi, vazhdimisht dëgjoheshin shpërthime municionesh, ndërkohë që Delvina ishte nën pushtetin e flakëve dhe të tymit.

Situata ishte tepër problematike, ndërkohë që era e favorizonte përhapjen e flakëve me shpejtësi.

Forca të shumta zjarrfikëse, të bashkive të jugut por edhe të ardhura nga Tirana, forca të ushtrisë dhe banorë bënë të mundur shuarjen e zjarrit që ishte pranë ytetit.

Pamje nga ajri, si duket Delvina nën pushtetin e flakëve pic.twitter.com/QJQUuBm3g5

— Euronews Albania (@EuronewsAlbania) August 13, 2025

Qendra Shëndetësore e Delvinës priti dhe trajtoi të dëmtuarit e parë si pasojë e zjarreve që përfshinë zonën.

Rreth 10 qytetarëve, mes tyre 4 nga forcat e ushtrisë, iu dha ndihmë mjekësore për shkak të asfiksisë.

Personeli mjekësor ndërhyri menjëherë për të ofruar ndihmën e nevojshme, duke u kujdesur për stabilizimin e gjendjes së tyre.

Disa prej të dëmtuarve shfaqën probleme me frymëmarrjen dhe plagë të lehta, ndërsa autoritetet shëndetësore mbetën në gatishmëri për çdo emergjencë tjetër.

Situatë kritike në Delvinë! Vijon “lufta” me flakët! Raporton gazetarja pic.twitter.com/MhqqR0T30V

— Euronews Albania (@EuronewsAlbania) August 13, 2025

LEXONI GJITHASHTU:

• Delvina e rrethuar nga flakët, nis largimi i banorëve! Mbërrin me urgjencë ministri
• Dy avionë grekë mbërrijnë në ndihmë për shuarjen e flakëve në Delvinë