Email nga ekipi i Trump, kërkojnë donacione gjatë takimit me Putin

Gjatë bisedimeve me Vladimir Putin në Alaskë, ekipi i Donald Trump dërgoi një email mbështetësve për të kërkuar donacione, me titullin: “TRUMP NË ALASKË! ME PUTIN!”.

Në mesazh, si raportohet nga ‘Sky News’ dhe ‘NBC’, presidenti e përshkruan takimin si “me shumë rrezik për botën” dhe akuzon demokratët se dëshirojnë dështimin e tij.

“Askush në botë nuk di të bëjë biznes si unë!”, shkruan ai, duke shpallur nisjen e “Trump Blitz” dhe duke ftuar çdo “patriot” të japë 10 dollarë para “afatit kritik” në mesnatë.

Ndërkohë, pranë vendit ku po zhvilloheshin bisedimet në Anchorage, Alaska, grupe mbështetësish u mblodhën për të shfaqur përkrahjen e tyre për presidentin në një ditë që ai vetë e quajti “vendimtare”.