VIDEO/ Në kërkim për trafik droge, kapet 46 vjeçari nga Forcat Operacionale

Policia e Shtetit ka finalizuar një tjetër operacion për kapjen e personave në kërkim. Në kuadër të operacionit të koduar “Operacionalja 60”, shërbimet e Drejtorisë së Forcës së Posaçme Operacionale në DPPSh, në bashkëpunim me Drejtorinë Vendore të Policisë Durrës, arrestuan një shtetas të shpallur në kërkim nga Gjykata e Posaçme.

Sipas të dhënave zyrtare, gjatë kontrolleve në zonën e Malit të Tomorrit, u lokalizua dhe u vu në pranga D. B., 46 vjeç, lindur dhe banues në Durrës. Ky shtetas ishte shpallur në kërkim, pasi Gjykata e Shkallës së Parë Kundër Korrupsionit dhe Krimit të Organizuar, në vitin 2023, i kishte caktuar masën e sigurisë “Arrest në burg” për veprat penale: “Prodhimi dhe shitja e narkotikëve”, “Grupi i strukturuar kriminal” dhe “Kryerja e veprave kriminale nga grupi i strukturuar kriminal”.

Sipas policisë, i kërkuari po lëvizte me automjet në zonën malore, ku më pas u kap dhe u shoqërua nga forcat operacionale.

Pas arrestimit, Seksioni për Hetimin e Narkotikëve pranë Policisë Durrës ekzekutoi masën e sigurisë dhe materialet procedurale iu referuan Prokurorisë së Posaçme Kundër Korrupsionit dhe Krimit të Organizuar (SPAK), për hetime të mëtejshme.

 

View this post on Instagram

 

A post shared by Euronews Albania (@euronews_albania)