Lanë jahtin dhe po lundronin me gomone, shpëtohet nga mbytja çifti gjerman në Qeparo

Një çift turistësh gjermanë u shpëtua nga Policia Kufitare në bregdetin e Qeparoit, pasi rrezikuan mbytjen teksa lundronin me një gomone plastike.

Ngjarja ndodhi mbrëmjen e së dielës, rreth orës 22:00, kur Komisariati i Policisë Himarë mori njoftim për dy persona që ndodheshin  në vështirësi në det. Menjëherë, një mjet lundrues i Policisë Kufitare u nis drejt zonës dhe rreth orës 22:45 konstatoi dy turistët gjermanë, Berhard Michael, 70 vjeç, dhe Ute Dorothea, 63 vjeçe, të cilët ndodheshin mbi një gomone pa motor, vetëm me lopata, rreth 100 metra larg bregut.

Çifti ishte larguar nga jahti i tyre personal “Tiaman”, por për shkak të erës së fortë nuk kishte arritur të kthehej në breg.

Pas ndërhyrjes së shpejtë të Policisë Kufitare, ata u transportuan me siguri në portin e Himarës, ku mbërritën rreth orës 00:30 të së hënës, në gjendje të mirë shëndetësore.

LEXONI GJITHASHTU:

• VIDEO/ Po rrezikonte të mbytej, shpëtohet turisti francez pranë Gjipesë
• Daljet nga Shqipëria rriten me 9.6%, shtohen turistët