Tenis, Federer rikthehet me humbje, Pablo Anduar e mund në Gjenevë

Tenisti spanjoll, Pablo Anduar arriti të fitonte këtë të martë 2-1 ndaj kampionit zviceran Roxher Federer, në rikthimin e këtij të fundit në turnetë Masters.

Numri 75 në renditjen botërore arriti të përmbyste disavantazhin 2-4 në setin final duke arritur një fitore 6-4; 4-6; 6-4 në një orë e 52 minuta lojë.

Kjo humbje i dha fund rekordit prej 32 ndeshjesh pa humbje të Federerit në tokë zvicerane, që nga koha kur ai mposhtej nga tenisti argjentinas, Huan Martin Del Potro në finalen e turneut të Bazelit.

Kjo ishte ndeshja e parë e Roxher Federer që nga 11 marsi i këtij viti kur mori pjesë në Katar Open.