Basha akuzon Tom Doshin nga Shkodra: Njerëzit e tij rrëmbyen një të ri se denoncoi blerjen e votave

Kryetari i Partisë Demokratike Lulzim Basha ka akuzuar nga Shkodra Tom Doshin, se njerëzit e tij rrëmbyen një të ri në sytë e një ambasadoreje sepse denoncoi blerjen e votave.

Në takimin me strukturat e Partisë Demokratike, Basha tha se pas Partisë Social-Demokrate, Rama fshehu të padëshiruarin e SHBA-së.

“Por sikurse e dinë shkodranët dhe e gjithë Shqipëria, nuk ka PSD. Ka një ndërmarrje të përbashkët të Edi Ramës dhe të Tom Doshit për të fshehur nën siglën e kësaj ndërmarrjeje, të padëshiruarin e Shteteve të Bashkuara të Amerikës. Nuk ka PSD, sepse ka tre kandidate të dalë nga masakra zgjedhore e 25 prillit, që të tre drejtorë të Partisë Socialiste. Nuk ka as PSD, as PS, por është regjimi Rama-Doshi që bleu me paratë e grabitura të shqiptarëve mjerimin që ua ka shtruar në sofra çdo familje shkodrane dhe shqiptare”, u shpreh Basha.

“Dhe në fakt e pa-mendueshmja ndodhi këtu në Shkodër, ku për herë të parë në 30 vite Tom Doshi dhe banditët e tij detyruan të largohet dhe të mbyll mbledhjen një ambasadore perëndimore, pasi grabitën në sy të saj një të ri shkodran i cili pati guximin të ngrihej në këmbë dhe të thoshte: këtu po blen vota Tom Doshi”, përfundoi kreu i PD-së.

Lexoni gjithashtu:

Basha përplaset me Arben Ristanin në Këshillin Kombëtar të PD-së

Basha dhe Nishani debat në Këshillin Kombëtar të PD-së