Skema mashtruese, AKSK: Kujdes nga TXEX mos ndani të dhëna personale

Një tjetër skemë mashtrimi online, pre e të cilës kanë rënë shumë qytetarë vazhdon të qarkullojë në rrjet prej disa kohësh.

Autoriteti Kombëtar për Sigurinë Kibernetike informon qytetarët për identifikimin e një platforme të vetëquajtur TXEX, e prezantuar si aplikacion për investime në kriptovaluta.

TXEX rezulton që nuk është e regjistruar dhe nuk është e licencuar në Republikën e Shqipërisë duke vepruar jashtë çdo kuadri ligjor kombëtar.

Sipas AKSK ka pasur denoncime të shumta nga qytetarët, por si funksionon kjo skemë mashtrimi:

Reklama joshëse dhe të rreme në rrjete sociale (p.sh. Instagram, TikTok). Krijimin e grupeve të simuluara komunikimi në Telegram, ËhatsApp, Signal. Prezantimin e fitimeve të fabrikuara për të ndërtuar besueshmëri tek viktimat. Kërkimin e pagesave shtesë me arsyetimin për “verifikim” apo “tërheqje fondesh”. Mbledhjen e dokumenteve personale sensitive (ID, foto), duke shtuar rrezikun për keqpërdorim të të dhënave personale.

Humbje financiare të parikuperueshme. Rrezik të lartë për cënimin e privatësisë dhe identitetit digjital. Mundësi për keqpërdorim të mëtejshëm të të dhënave personale nga rrjete kriminale.

Autoriteti Kombëtar për Sigurinë Kibernetike u bën thirrje qytetarëve që:

Të mos kryejnë transaksione financiare me këtë platformë. Të mos ndajnë të dhëna personale sensitive me subjekte të panjohura. Të raportojnë menjëherë rastet e dyshimta.

Përveç TXEX janë dhe 2 platforma të tjera të ngjashme, ku AKSK ka marrë masa urgjente për bllokimin e aktivitetit të këtyre faqeve mashtruese në territorin e Republikës së Shqipërisë.

Policia e Shtetit ka nisur një hetim penal lidhur me këtë skemë mashtrimi.