Tentoi të fusë 49 iPhone kontrabandë në Durrës, kapet shoferi kosovar i kamionit

Një shofer kamioni 53-vjeçar nga Kosova është arrestuar në Portin e Durrësit, pasi në kabinën e automjetit që drejtonte iu gjetën rreth 49 telefona celularë të markës iPhone.

Policia njofton se ka arrestuar në flagrancë shtetasin kosovar S. I., 53 vjeç, pasi gjatë kontrollit në kamionin që ai drejtonte, në pjesën e kabinës u zbuluan dhjetëra celularë, për të cilët nuk kishte dokumentacion apo fatura blerjeje.

Celularët janë sekuestruar në cilësinë e provës materiale, bashkë me kamionin dhe 2 aparate të tjera celularë që ai përdorte.

Materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

 LEXONI GJITHASHTU:

• EMRAT+FOTOT/ Kush janë 10 të arrestuarit në Korçë për sherrin ku u përdorën thikat
• Makinat e dasmorëve bllokuan qarkullimin në Tiranë, procedohen shoferët