Ushtria hedh në erë masivin shkëmbor, rrezikonte shtëpitë në Lunxhëri

Forcat e ushtrisë kanë kryer shpërthimin e kontrolluar të një masivi shkëmbor, i cili rrezikonte banesat e fshatit Qestorat, në Lunxhëri të Gjirokastrës.

Shkëmbi masiv ndodhej në kodrën mbi fshatin Qestorat ndërsa  prej vitesh ishte kthyer në kërcënim për banorët.

Vazhdimisht prej tij shkëputeshin gurë të cilat rrezikonin banorët dhe shtëpitë e fshatit. Më problematike situata bëhej gjatë stinës së dimrit kur si shkak i reshjeve intensive janë regjistruar edhe rrëshqitje dherash në këtë zonë.

Forcat e ushtrisë dhe strukturat e emergjencës në Gjirokastër kryen shpërthimin e kontrolluar duke shmangur rënien e gurëve në afër banesave.