Si po kursejnë evropianët për shpenzimet e femijëve për nisjen e vitit shkollor

Fillimi i vitit shkollor për shumë familje nënkupton një listë të gjatë shpenzimesh: libra të rinj, mjete shkollore, uniforma e veshje sportive. Inflacioni e ka rënduar më tej situatën, duke i rritur kostot më shpejt se çmimet e tjera në treg.

Përballë kësaj, gjithnjë e më shumë prindër po i drejtohen tregut të dorës së dytë, nga librat e përdorur te uniformat e rikthyera në përdorim. Sipas një sondazhi në BE, 64% e prindërve planifikojnë të ripërdorin materialet e vitit të kaluar, ndërsa 36% do të blejnë të përdorura.

Kjo praktikë jo vetëm që ul deri në 50% shpenzimet, por edhe nxit një konsum më të qëndrueshëm. Ekspertët parashikojnë se deri në vitin 2030 tregu i dorës së dytë mund të dyfishohet krahasuar me atë të “fast fashion”.

Një kursim për xhepin e familjeve, por edhe një hap drejt mbrojtjes së mjedisit.

LEXONI GJITHASHTU:

• Shqipëria me pagën minimale më të ulët në Europë në qershor, 408 euro në muaj
• Rama: Nga 1 janari 2026, paga minimale do jetë 500 euro