FOTO/ “Hëna e Përgjakur” ndriçon edhe qiellin shqiptar, shpjegimi pas eklipsit total

Ashtu siç ishte paralajmëruar nga ekspertët, mbrëmjen e së dielës qielli dhuroi një nga spektaklet më të rralla astronomike: eklipsin total të Hënës, i njohur ndryshe si “Hëna e Përgjakur”.

Ky fenomen i jashtëzakonshëm ishte i dukshëm edhe nga territori i Shqipërisë, duke tërhequr vëmendjen e qytetarëve dhe entuziastëve të astronomisë.

Gjatë eklipsit total, Hëna kalon plotësisht në hijen e Tokës, duke marrë një nuancë të kuqe, portokalli ose kafe.

Kjo ngjyrë unike është rezultat i mënyrës se si rrezet e Diellit përthithen dhe shpërndahen nga atmosfera e Tokës.

Ndërsa drita blu shpërndahet më shumë, drita e kuqe kalon më lehtë dhe reflektohet në sipërfaqen e Hënës, duke krijuar efektin e njohur si “Hëna e Përgjakur”.

Ky ishte një moment i veçantë për të gjithë ata që ndoqën fenomenin nga ballkonet apo hapësira të hapura, duke shijuar bukurinë e rrallë të natyrës dhe universin në lëvizje.

LEXONI GJITHASHTU:

• Nata që do të skuqë qiellin dhe eklipsi total hënor, çfarë do të ndodhë më 7 shtator
• Hëna “e përgjakur” mbizotëron në qiell, magjeps vëzhguesit gjatë eklipsit hënor
• Eklipsi më i gjatë ndër vite, sonte “Hëna e përgjakur” mbi Evropë