Mediat franceze: Francois Bayrou mund të japë dorëheqjen nesër

Franca po përballet me mundësinë e zgjedhjes së kryeministrit të pestë në më pak se dy vjet, një krize ekonomike dhe kërcënimin e trazirave të mëtejshme civile.

Deputetët francezë janë duke zhvilluar një debat në Parlament për një votë mosbesimi ndaj kryeministrit aktual të vendit, Francois Bayrou.

Nëse, ai humbet, kjo do të thellojë gjendjen e keqe ekonomike dhe politike të vendit dhe madje mund të vërë në dyshim të ardhmen e presidencës së Emmanuel Macron.

Ndërkohë mediat francez raportojnë se François Bayrou planifikon t’ia dorëzojë dorëheqjen Presidentit Emmanuel Macron nesër në mëngjes nëse mposhtet në votëbesimin e mbrëmjes së sotme.

Rënia e qeverisë së Bayrou-t është pothuajse e sigurt, pasi shumica e deputetëve si nga e djathta ekstreme ashtu edhe nga e majta kanë treguar tashmë se do të votojnë kundër tij.