“Short Film Festival” çel siparin në Korçë me 81 filma nga 41 shtete

Ka nisur edicioni i 12 i Festivalit Ndërkombëtar të Filmit me Metrazh të Shkurtër në Korçë, festival i cili bën bashkë artistë të kinematografisë nga gjithë bota.

Drejtor i këtij festivali Gledis Bica tregon se numri i filmave shqiptarë pjesëmarrës po rritet nga viti në vit ndërsa cilësia vjen duke u rritur

“Ky është edicioni i 12 i Korça Short Film Festival. Këtë vit janë përzgjedhur 81 filma në total, nga 41 shtete të ndryshme. Janë 6 kompeticione. Cilësia është gjithmonë në rritje, nuk kemi numrat që dëshirojmë çdo vit ka 5-6 filma të ndryshëm. Qendra e kinematografisë ka mbështetur disa prej tyre këtë vit kemi më tepër nga shqiptarët e Shqipërisë”, Gledis Bica, drejtues i Festivalit.

Pjesë e jurisë u bë regjisori i njohur turk, njëkohësisht Koordinator i Festivalit me të madh të filmit me Metrazh të Shkurtër në Turqi, ndërsa një tjetër regjisor austriak tregon vlerëson mikpritjen që u është bërë artistëve të huaj në Shqipëri.

“Është hera ime e tretë në Shqipëri dhe hera e parë në Korçë. Kemi diskutuar bashkëpunimet e mundshme me drejtuesit e këtij festivali pasi unë jam koordinatori i Festivalit me të madh të filmit në Izmir të Turqisë. Është e rëndësishme të krijojmë ura bashkëpunimi dhe mundësi për qytetin e Korçës por e për artistët për t’u promovuar”, tha regjisori Umut Can Turkmen.

Eyup Kus, gjihashtu regjisor theksoi se: “Vij nga Austria si krijues i një filmi eksperimental. E shfrytëzuam kohën dhe pamë Shqipërinë, një mikpritje e pazakontë. Filmi im flet për fasadat e njerëzve, për dukjen që është e rëndësishme sot në botën moderne dhe si ndikon ajo në botën shpirtërore të njerëzve.”

Festivali Ndërkombëtar i Filmit me Metrazh të Shkurtër do të shfaqet për 8 ditë në Korçë në kinema “Majestic”, kinemaja e vetme në juglindje që qëndron e mbyllur prej vitit 2018.

LEXONI GJITHASHTU:

• VKM/ Qeveria miraton projektligjin për Menaxhimin e Integruar të Mbetjeve
• Superkompjuteri i “Opta” parashikon fituesin e Ligës së Kampionëve 2025-26