Krichbaum: Reforma në BE duhet ti paraprijë zgjerimit me vende të reja si Shqipëria

Shqipëria po bën hapa përpara në negociatat për anëtarësimin në Bashkimin Evropian megjithatë mbetet e paqartë nëse vullneti politik do të mjaftojë për të arritur objektivin e anëtarësimit deri në vitin 2030.

Ministri gjerman i Shtetit për Europën, Gunther Krichbaum, gjatë Konferencës së ministrave të Europës, deklaroi se Shqipëria është në një rrugë të mirë drejt BE-së, por theksoi se ka ende potencial për përmirësim, veçanërisht në fushën e shtetit ligjor.

Sipas DW, Krichbaum nënvizoi gjithashtu qëndrimin e Gjermanisë, sipas të cilit duhet të ketë reforma të brendshme brenda vetë Bashkimit Evropian përpara një zgjerimi të ri.

Ndryshimet përfshijnë çështje të ndjeshme si e drejta e vetos. “Kjo duhet të ecë paralelisht, sepse ndryshe mund të krijohet një situatë ku aftësia vepruese e BE-së do të jetë shumë e kufizuar,” tha ai.

Ndërkohë, Shqipëria ka hapur sot edhe katër kapituj të rinj negociues, një hap që sinjalizon progres konkret në procesin e integrimit.

LEXONI GJITHASHTU:

• Tusk: Qeveria polake do të marrë vendim për blerjen e nëndetëseve të reja këtë javë
• Rama kërkon reformë territoriale, ekspertët paralajmërojnë: Mund të politizohet