Zyrtari i lartë i DASH telefonon kryetarin e Gjykatës Kushtetuese në Kosovë

Kryetari i Gjykatës Kushtetuese të Kosovës, Nexhmi Rexhepi, ka zhvilluar një bisedë telefonike me Drejtorin për Evropën Perëndimore dhe Qendrore në Departamentin e Shtetit të SHBA-së, Mark Fleming.

Sipas njoftimit të Gjykatës Kushtetuese, biseda u fokusua në punën e deritanishme të Gjykatës dhe rolin e saj në ruajtjen dhe forcimin e sundimit të ligjit në vend.

“Kryetari Rexhepi e falënderoi z. Fleming për telefonatën dhe shprehu vlerësimin për mbështetjen e vazhdueshme të Qeverisë së SHBA-së për punën dhe pavarësinë institucionale të Gjykatës Kushtetuese të Republikës së Kosovës,” thuhet në njoftim.

Gjykata Kushtetuese ka vendosur masën e përkohshme për konstituimin e Kuvendit të Kosovës deri më 30 shtator.

LEXONI GJITHASHTU:

• Kupchan: Frustrimi i akumuluar i SHBA-së ndaj Kurtit çoi në pezullimin e Dialogut
• Pezullimi i dialogut me SHBA, Ajazi: Lajm i keq për Kosovën, të merren masa…