Orban: Brukseli është në rrugën e gabuar, ne do të vazhdojmë në rrugën tonë 

Kryeministri hungarez Viktor Orbán tha sot, me rastin e përvjetorit të prezantimit të raportit të ish-Presidentit të BQE-së Mario Draghi mbi të ardhmen e konkurrueshmërisë evropiane, se Bashkimi Evropian po humbet konkurrueshmërinë dhe se “burokratët e Brukselit ende nuk e marrin seriozisht”.

“Një vit më parë, Mario Draghi paralajmëroi në Budapest se konkurrueshmëria e Bashkimit Evropian ishte “shkatërruar”. Burokratët në Bruksel nuk e morën seriozisht. Sot, sipas Draghi-t, situata është edhe më keq. Brukseli është në rrugën e gabuar. Le të vazhdojmë në rrugën tonë, hungareze!” , tha Orban në Facebook, së bashku me një foto me Draghi-n.

Ai theksoi se në një kontekst të tillë evropian, Hungaria duhet të ruajë rrugën e zhvillimit dhe shtoi se kjo është e mundur.

Ai kujtoi gjithashtu programin më të madh të ndërtimit të banesave në historinë e Hungarisë, si dhe “revolucionin tatimor” i cili, sipas tij, nuk ka të barabartë në Evropë.

“Në vend që të shkëputeshim pa menduar nga energjia ruse, duke përdorur me zgjuarsi energjinë e gjelbër, ne arritëm të ruanim çmimet e subvencionuara të shërbimeve”, tha Orban.