Trump i sugjeron Starmer të përdorë ushtrinë për të kontrolluar kufijtë

Presidenti i SHBA-së, Donald Trump, i sugjeroi kryeministrit të Britanisë së Madhe Kier Starmer të përfshijë ushtrinë në zgjidhjen e problemit të migracionit të paligjshëm në Britaninë e Madhe.

Gjatë një konference të përbashkët në Londër, Trump tha se Vladimir Putin “e zhgënjeu”, ndërsa Starmer thekson se të dy vendet po punojnë për të ushtruar presion mbi presidentin rus që të bjerë dakord për një marrëveshje paqeje për Ukrainën, raporton BBC.

“Ai më zhgënjeu. Më zhgënjeu vërtet, do të shohim se si do të përfundojë”, tha Trump.

Kur u pyet për planin e Starmer për të njohur një shtet palestinez, Trump u përgjigj se nuk ishte dakord me kryeministrin për këtë çështje.

Starmer tha se Mbretëria e Bashkuar dhe SHBA-të kishin bërë “një rrugë të gjatë” në marrëdhënien e tyre të veçantë dhe po e rindërtonin atë për një epokë të re.

Ai theksoi se siguria mbetet “gurthemeli” i lidhjeve dypalëshe dhe theksoi projektet e përbashkëta të mbrojtjes të të dy vendeve, duke përfshirë zhvillimin e avionëve të shpejtë dhe nëndetëseve të klasit AUKUS, shkruan Sky News.

“Tani, ndërsa rrisim shpenzimet e mbrojtjes, do të heqim pengesat për të punuar së bashku në teknologjitë e reja të mbrojtjes, në mënyrë që të qëndrojmë përpara kundërshtarëve tanë”, tha Starmer.

LEXONI GJITHASHTU:

• Britania drejt bllokimit të vizave për vendet që s’pranojnë emigrantët e paligjshëm
• Debati për emigrantët/ Farage: Do të takohem për drekë me Edi Ramën pas disa javësh