Ambasadorja Yuri Kim paralajmëron se çështje të forta do të vihen para drejtësisë

Ambasadorja e Shteteve të Bashkuara të Amerikës, znj. Yuri Kim, ka komentuar bërjen funksionale të Gjykatës Kushtetuese dhe punën që ajo ka kryer nga dhjetori i vitit të shkuar deri tani.

Përmes një postimi në “Twitter”, diplomatja amerikane në Tiranë, thotë se Gjykata Kushtetuese ka shqyrtuar deri tani 100 çështje, prej të cilave ka marrë 25 vendime.

“Çështje edhe më të forta po vijnë. Reforma në drejtësi është e vërtetë. SHBA do të jetë me Shqipërinë derisa sistemi i drejtësisë të jetë plotësisht funksional”, shkruan ambasadorja Yuri Kim.

After 3 years of paralysis, Constitutional Court became functional Dec 2020. Since then, the Court has reviewed 100 cases & issued 25 decisions. Tough cases coming up. Justice reform is real. 🇺🇲 will be with 🇦🇱 until the justice system is fully functional. https://t.co/UyNPrn81Ry

— Ambassador Yuri Kim (@USAmbAlbania) May 21, 2021

Aktualisht në përbërjen e saj Gjykata Kushtetuese ka shtatë anëtarë, nga nëntë që duhet të ketë, siç parashikohet në ligj.

Paralizimi i punës për më shumë se tre vjet në Gjykatën Kushtetuese dhe në Gjykatën e Lartë erdhi për faktin se sistemi i drejtësisë u pastrua nga prokurorë dhe gjyqtarë, të cilët nga kontrolli i Vetingut rezultuan si të padenjë për të vijuar detyrën e tyre në bërjen e drejtësisë.