Arrestohen për shpërdorim detyre kryeinspektori dhe inspektori i IMT në Himarë

Ditën e sotme, Kryeinspektori dhe inspektori pranë Inspektoratit të Mbrojtjes së Territorit të Bashkisë Himarë janë arrestuar nga policia pasi dyshohet se shpërdoruan detyrën duke lejuar ndërtimin e paligjshëm të disa objekteve në Himarë.

Policia ka shoqëruar dy personat e identifikuar me inicialet: R. H., 35 vjeç, banues në Himarë, me detyrë kryeinspektor pranë Inspektoratit të Mbrojtjes së Territorit të Bashkisë Himarë, dhe E. Z., 30 vjeç, banues në Himarë, me detyrë inspektor pranë Inspektoratit të Mbrojtjes së Territorit të Bashkisë Himarë.

Materialet në ngarkim të tyre i kaluan Prokurorisë pranë Gjykatës së Shkallës së Parë Vlorë, për veprën penale “Shpërdorimi i detyrës”.