Maliq/ Panairi i prodhimeve bujqësore dhe tradicionale

Për të 18-in vit me radhë, Bashkia e Maliqit organizoi panairin e prodhimeve bujqësore, blegtorale dhe gatimeve tradicionale.

 Në këtë panair morën pjesë fermerë e prodhues nga të gjitha fshatrat e fushës së Maliqit, por edhe nga zona e Gorës dhe Moglicës.

Këto aktivitete kanë si qëllim jo vetëm ruajtjen e traditës së gatimeve tradicionale, por mbi të gjitha u japim mundësi fermerëve të njohur të fushës të prezantojnë prodhimet e tyre.

Një vend të veçantë morën vajzat dhe gratë e krahinës, të cilat përmes gatimeve tradicionale treguan përkujdesjen dhe pasionin për ruajtjen e traditës, duke ngjallur interes të madh tek vizitorët.

“Me të rëndësishme janë gatimet nga ne e nënat tona. Ëmbëlsirat, kek, Karamele, petulla Të fshira, Jane bërë nga ne e nënat tona. Të gjitha janë prodhimet tona të vendit. Lakroiri me sac është i kërkuar.”-shprehet një banore.

“Këto janë pjesë e kuzhinës tonë tradicionale. Jemi munduar në tryezën tonë të sjellim shije të ndryshme për të treguar sa bukur është tradita e zonës tonë. Jemi rritur me gatime të tilla është pjesë e kulturës tonë, i dimë sidomos ne vajzat”-shprehet një banore.

Fusha e Maliqit, një nga tri fushat më të mëdha në vend,  njihet për kulturat e saj bujqësore  që ishin baza e këtij panairi tashmë të kthyer në traditë.