“Defender Europe 21” zbarkon në Tiranë, të pranishëm ambasadorja Kim, Rama dhe Meta

Ditën e sotme “Defender Europe 21”  ka zbarkuar në Tiranë, ku do të zhvillohen stërvitje në sheshin “Nënë Tereza” , të cilat mund të ndiqen edhe nga qytetarët.

Të pranishëm në këtë ceremoni janë ambasadorja amerikane Yuri Kim, kryeministri Edi Rama, presidenti Ilir Meta si dhe ministri i Mbrojtjes, Niko Peleshi.

Gjatë fjalë së saj, ambasadorja amerikane u shpreh se Amerika e di që ka një aleatë të fortë dhe të guximshme që është Shqipëria.

Ajo nënvizoi se marrëdhënia mes Shqipërisë dhe SHBA duhet të jetë mbi çdo gjë.

Ndërsa, kryeministri Edi Rama u shpreh se “kjo ekspozitë s’do ishte njësoj, pa mbështetjen e SHBA për rritjen e kapaciteteve tona ushtarake”.

Ai shtoi se misioni i përbashkët është rritja e kapaciteteve të Forcave të Armatosura.

“Defender Europe 21” është stërvitja më e madhe ushtarake që është zhvilluar në Ballkanin Perëndimor dhe Shqipëria është vendndodhja kryesore.

Në këtë stërvitje janë angazhuar mbi 28 mijë ushtarë, shumica e të cilëve janë amerikanë.

Lexoni gjithashtu:

Përgatitjet për ditën e hapur të “Defender 21”, publiku njihet me mjetet ushtarake

“Defender 21” në Zall-Herr, Euronews Albania sheh nga afër stërvitjen për heqjen e minave

Defender 21 në Zall Herr, trupat amerikanë dhe shqiptarë operojnë sot në kantiere