Vlorë/ U vetëplagos me armë zjarri, dalin pamjet kur i riu hedh armën (VIDEO)

Në vijim të hetimeve për ngjarjen e ndodhur më datë 3 tetor 2025, në qytetin e Vlorës, ku një 36-vjeçar, O. A., u vetëplagos me armë zjarri, Policia e Vlorës ka finalizuar operacionin për gjetjen e armës së përdorur në këtë ngjarje.

Sipas burimeve zyrtare nga Komisariati i Policisë Vlorë, arma e zjarrit e llojit pistoletë, markë Ekol Special, e cila dyshohet të jetë përdorur nga i riu dhe që rezulton e paautorizuar me leje, është gjetur e fshehur në një rrugicë të lagjes “Hajro Çakërri”, mes bimësisë dekorative. Shërbimet e Policisë sekuestruan gjithashtu një gëzhojë që u gjet në vendin e ngjarjes.

Ndërkohë, pamjet filmike të siguruara nga kamerat e sigurisë kanë dokumentuar momentin kur 36-vjeçari vetëplagoset aksidentalisht dhe më pas hedh armën, që më vonë dyshohet se është marrë dhe fshehur nga shoku i tij, 34-vjeçari G. M., i cili tashmë është në hetim për veprime që pengojnë zbulimin e së vërtetës.

Materialet shtesë i janë referuar Prokurorisë për veprime të mëtejshme ligjore.

LEXONI GJITHASHTU:

• U vetëplagos ditën e djeshme, arrestohet 37-vjeçari në Vlorë për armëmbajtje pa leje
• VIDEO/ Konflikt në mbledhjen e Këshillit Bashkiak në Vlorë, ndërhyn policia