KQZ përditëson të dhënat: Ja sa qytetarë kanë votuar deri në orën 17:00

Komisioni Qendror i Zgjedhjeve në Kosovë ka përditësuar të dhënat e fundit për pjesëmarrjen në votime në zgjedhjet që po mbahen sot, në 38 komuna për kryetarë komunash dhe asamblistë.

Deri në orën 17:00, kanë votuar gjithsej 659,044 qytetarë, që përfaqëson 32.55% të votuesve të regjistruar në listën e votuesve. Sipas të dhënave të publikuara nga KQZ, numri i përgjithshëm i qytetarëve me të drejtë vote është 2,025,105. Qendrat e votimit do të qëndrojnë të hapura deri në orën 19:00, ku pritet të votojnë personat të cilët ende nuk kanë përdorur të drejtën e votimit.