Abuzimet seksuale, Tibjona Salillari apelon për ashpërsim të masave për përdhunuesit

Tibjona Salillari, drejtore e shoqatës “Balkan Women’s Voice”, tha për Euronews Albania se marshimet kundër abuzimeve seksuale janë bërë në gjithë Shqipërinë, me synimin e vetëm, sensibilizimin.

“Këto marshime herën e fundit nuk janë thjesht marshime siç kanë ndodhur gjatë gjithë kohës, por përveç sensibilizimit jemi duke u marrë dhe me peticione të ndryshme,” – tha Salillari teksa sqaroi se njëri prej peticioneve konsiston në mbledhjen e 20 mijë firmave për burgimin e përjetshëm të përdhunuesve.

Sipas saj ashpërsimi i masave për abuzuesit seksual mund të jetë një element i rëndësishëm në parandalimin e këtyre rasteve.

“Besoj se në këtë fazë edhe shteti duhet të na mbështesë,” – deklaroi ajo.

Edukimi, sipas Salillarit duhet të fillojë që në familje ndërsa u shpreh se synojnë të fusin programin e edukatës seksuale në shkollë në mënyrë që ndërgjegjësimi dhe përgjegjësia të vijë paralelisht me edukimin.

LEXONI GJITHASHTU: 

• Qindra qytetarë në Tiranë marshojnë kundër abuzimit seksual
• “Traumë, jo lojë”, gjimnazistët në Prishtinë protestojnë kundër abuzimit seksual