Jetesa në Shqipëri po bëhet gjithnjë e më e kushtueshme, Tirana më e shtrenjta

13 Tetor 2025 | 17:10

Jetesa në Shqipëri po rëndohet nga dita në ditë, me një rritje të ndjeshme të kostove bazë për familjet.

Sipas të dhënave të publikuara nga INSTAT, një familjeje mesatare i duhen rreth 93 mijë lekë në muaj për të mbuluar shpenzimet bazë të jetesës.

Ndërsa në kryeqytet, kjo shumë arrin në rreth 108 mijë lekë, duke e bërë Tiranën qytetin më të shtrenjtë në vend.

Raporti i INSTAT analizon gjithashtu prirjet e shpenzimeve në varësi të nivelit arsimor të kryefamiljarit.

Gjatë vitit 2024, familjet me kryefamiljar me arsim të lartë kanë shpenzuar më pak se një vit më parë, duke treguar një menaxhim më të kujdesshëm të buxhetit.

Në kontrast, familjet me nivel arsimor më të ulët kanë shënuar rritje të shpenzimeve.

Kjo tendencë sugjeron se niveli i arsimimit nuk ndikon drejtpërdrejt në shumën e shpenzuar, por lidhet ngushtë me aftësinë për të kursyer dhe për të planifikuar më mirë të ardhurat.

Në krahasim me qytetet e tjera, Tirana mbetet e papërballueshme për individët me një pagë të vetme, veçanërisht për shkak të rritjes së shpejtë të çmimeve dhe kostove të shërbimeve.

Ndërkohë, taksimi i të dypunësuarve në kryeqytet shihet si një politikë e diskutueshme, që sipas shumë vëzhguesve, ndikon negativisht në standardin e jetesës dhe shton vështirësitë ekonomike të qytetarëve.

Home Kryefaqja
Shiko në: YouTube
Lajme të Sugjeruara

Kursi i Euros me Lekun bie përsëri, po shkon drejt pragut të 95 lekëve

Kursi i këmbimit të Euros me Lekun ka arritur një minimum të ri historik. Sipas kursit të Bankës së Shqipërisë, Euro kembehet 95.3 lekë, niveli...
14:43 | 04/06/2026

Bordi i Transparencës publikon çmimet e reja të karburanteve, sa do shitet nafta dhe benzina

Bordi i Transparencës publikoi të enjten çmimet e reja të karburanteve në vend. Çmimi i shitjes me pakicë i nënproduktit gazoil i standardit SSH EN...
13:28 | 04/06/2026

Shqipëria bëhet e dyta më e shtrenjta në Ballkan për qiratë ditore

Fluksi i lartë i të huajve që po vijnë në Shqipëri, të nxitur nga çmimet e lira të akomodimit, po çon në një shtrenjtim të...
14:50 | 03/06/2026