Zelensky: Ukraina dhe SHBA po përgatisin kontratë për 25 sisteme mbrojtëse Patriot

Presidenti ukrainas, Volodymyr Zelensky, tha këtë të hënë se vendi i tij dhe SHBA-të po përgatisin një kontratë për furnizimin e Kievit me 25 sisteme të mbrojtjes ajrore Patriot.

Në një kominikim për mediat, Zelensky tha se Kievi ka krijuar kontakte me kompanitë e mbrojtjes, me autoritetet amerikane.

“Po përgatisim një kontratë për 25 sisteme Patriot. Besoj se kjo është një histori shumë e mirë, jo e lehtë, por afatgjatë”, tha Zelensky, duke vënë në dukje se kërkesa u bë nga Forcat Ajrore të Ukrainës.

Zelensky theksoi gjithashtu se ka vendet të tjera që kanë lidhur kontratatë më parë me prodhuesit e Patriot.

“Shtëpia e Bardhë mund ta ndryshojë radhën nëse ka vullnet politik. Ne e kuptojmë se cilat vende evropiane mund të na japin përparësi në radhë. Ka më shumë miirztim për këtë çështje, po punojmë tani për të marrë zgjidhjet e nevojshme”, theksoi Zelensky.

Lidhur me çështjen e dërgesave të mundshme të raketave Tomahawk me rreze të gjatë veprimi në Ukrainë nga SHBA-të, Zelensky tha se beson që homologu i tij rus Vladimir Putin i telefonoi Presidentit të SHBA-së Donald Trump të enjten e kaluar për shkak të retorikës së tij mbi këtë çështje.

Ai argumentoi se qëndrimi i Rusisë për tërheqjen e Ukrainës nga rajoni i Donbasit nuk ka ndryshuar, duke shtuar se dhe qëndrimi i Kievit në këtë drejtim nuk ka ndryshuar.

LEXONI GJITHASHTU:

• Zelensky i gatshëm të takohet me Trumpin dhe Putinin në Budapest