Shpërblimi për pensionistët në fundvit me dy ndarje, 10 mijë dhe 20 mijë lekë

Pensionistet do të marrin shpërblim edhe këtë fundvit. Me shumën e dedikuar, qeveria do të përdorë sërish të njejtën skemë si vitin e kaluar, duke ndarë 10 mije dhe 20 mijë lekë, në bazë të përfitimit mujor.

Rreth 721 mijë pensionistë do të përfitojnë bonus në fundvit. Qeveria ka vendosur në dispozicion për këtë qëllim një shumë totale prej 9.4 miliardë lekësh apo 97 milionë eurosh.

Euronews Albania mëson se edhe këtë vit, bonusi do të jetë i diferencuar dhe do të përfitojnë një shumë më të madhe, të moshuarit që marrin pensione më të ulëta.

Kështu më shumë se 511 mijë pensionistë, ku përfshihen edhe pensionet e invaliditetit dhe ato familjare, të cilët marrin më pak se 20 mijë lekë në muaj, do të shpërblehen me 15 mijë lekë. Ndërsa, 210  mijë pensionistët e tjerë, që marrin një pension mbi 20 mijë lekë në muaj do të marrin bonus 10 mijë lekë.

Kjo skemë është përdorur edhe në dhjetor 2024, ndërsa bonusi i pranverës 2025 ishte në nivelin 10 mijë lekë për pensionet deri në 20 mijë lekë dhe 5 mijë lekë për pensionet mbi 20 mijë lekë.

LEXONI GJITHASHTU:

• Qeveria e Le Corneille i mbijeton votëbesimit të parë në Asamblenë Kombëtare
• Kurti: Qeveria e re mund formohet para 26 tetorit, duhet komunikim i suksesshëm