Tentoi të vriste gjyshin me thikë, kapet në Kapshticë 35-vjeçari

Shërbimet e Policisë Kufitare Kapshticë kanë vënë në pranga një 35-vjeçar, pasi donte të kalonte kufirin në mënyrë të paligjshme, në fshatin Vërnik, Devoll.

Sipas raportimeve, është arrestuar shtetasi V. Sh., 35 vjeç, në kërkim, për shkak se dyshohet se ky shtetas tentoi të vriste me thikë gjyshin e tij, më datë 4 tetor.

Në vijim të veprimeve, policia ka bërë me dije se: “Specialistët e Seksionit të Hetimit të Krimeve të Rënda ndaj Personit ekzekutuan urdhrin e ndalimit që ka nxjerrë Prokuroria e Korçës për shtetasin V. Sh., 35 vjeç, banues në Bilisht, për veprat penale ‘Vrasja për shkak të marrëdhënieve familjare’ mbetur në tentativë dhe ‘Prodhimi, mbajtja, blerja apo shitja pa leje e armëve të ftohta’. Ky shtetas dyshohet se më datë 04.10.2025 ka goditur disa herë me thikë gjyshin e tij”, thuhet në njoftimin e Policisë.

Ndërkohë, materialet procedurale iu referuan Prokurorisë së Korçës për veprime të mëtejshme.

LEXONI GJITHASHTU:

• Arrestohet në Beograd arbitri i dyshuar për lidhje me rrjet kriminal
• Zbardhet vrasja e 2-fishtë në Manzë, arrestohen për moskallëzim krimi 4 persona