Kriza e Juventusit vazhdon, Lazio mposht bardhezinjtë me golin e Basiç

Nga momenti në moment pritej kthesa, por duket se është ende larg dita kur Juventusi do të marrë rezultate pozitive.

Këtë po e konfirmon fusha e lojës, ku bardhezinjtë pësuan një tjetër disfatë, këtë herë nga Lazio.

Në “Olimpico”, edhe pse me një lojë më të mirë se kundërshtari, të besuarit e Igor Tudor nuk mundën të marrin pikë, duke konfirmuar krizën totale të rezultateve, me vetëm 3 pikë në 5 ndeshjet e fundit.

Goli i Basiç që në minutat e para vulosi takimin, aq i mjaftoi lacialëve për të marrë 3 pikët dhe fitoren e tretë në 8 javë kampionat.

Në anën tjetër, Juventusi largohet edhe më shumë nga zona “Champions”.

Napoli ka rimarrë kreun e kampionatit italian pas fitores së fundit ndaj Interit, dhe së bashku me Romën kanë nga 18 pikë, me kampionët në fuqi që udhëheqin falë golavarazhit.

Skuadra e Contes mori një fitore me polemika ndaj Interit, në shifrat 3-1, ndërsa zikaltrit kishin kritika për gjykimin, sidomos në momentin e penalltisë.

Golat për napoletanët u shënuan nga tre mesfushorët: De Bruyne, McTominay dhe Anguissa, ndërsa për milanezët realizoi Calhanoglu nga pika e bardhë.

Interi e sheh veten në vendin e katërt në klasifikim, 2 pikë pas Milanit të vendit të tretë dhe ndiqet nga Bologna e Como.

LEXONI GJITHASHTU:

• Spektakël, gola dhe tension, Reali fiton ndaj Barcelonës pas 18 muajsh pritje
• PSG përmbys Barcelonën në Spanjë, ndalen Manchester City dhe Juventus