Presione ndaj prokurorit Prençi? Dumani: Prokurorët kanë mbështetjen time të plotë

Në seancën e pyetje-përgjigjeve në Kuvend, deputeti Klevis Balliu ngriti shqetësimin për presione të mundshme ndaj prokurorit Prençi në lidhje me çështjen e zv.kryeministres Belinda Balluku.

Klevis Balliu: “Është raportuar presion i madh ndaj Prençit për çështjen e Ballukut. Çfarë masash keni marrë”?

Kreu i SPAK, Altin Dumani, zgjodhi të mos komentojë në detaje, duke theksuar se çështja është në hetim dhe se të gjithë prokurorët gëzojnë mbështetjen e tij të plotë.

“Është çështje në hetim, nuk kam për të dhënë asnjë koment. Të gjithë prokurorët kanë mbështetjen time si drejtues. Jam në komunikim të përhershëm me prokurorin dhe deri tani nuk më ka paraqitur ndonjë shqetësim. Ka gjithë mbështetjen time për çështjet që ka në ndjekje. Në asnjë rast nuk kam qenë bllokues hetimesh, përkundrazi jam munduar të krijoj një ambient ku prokurorët të ndihen të lirë”, u përgjigj Dumani.

LEXONI GJITHASHTU:

• Dumani: Nuk kemi evidentuar asnjë politikan si pjesëtar të bandave kriminale
• Dumani: Masën e sigurisë ndaj Berishës mund ta heqë vetëm gjykata