Anketa: Macron, presidenti më pak popullor i 50 viteve të fundit në Francë

Presidenti francez Emmanuel Macron është aktualisht presidenti më pak i popullarizuar i Francës në 50 vitet e fundit, sipas rezultateve të sondazhit të fundit të opinionit publik, të cilat u publikuan sot.

Një sondazh i Verian Group me 1,000 persona, i botuar nga Figaro, tregon se vlerësimi i miratimit të Macron është 11 për qind, më i ulëti që kompania ka regjistruar ndonjëherë për presidentët francezë.

Paraardhësi i Macronit, Francois Hollande, kishte të njëjtin vlerësim miratimi, duke arritur në 11 përqind në fund të vitit 2016, pak para se të njoftonte se nuk do të kandidonte për një mandat të dytë presidencial.

Macron dhe Hollande tani ndajnë titullin e presidentit francez më pak të popullarizuar që nga fillimi i viteve 1970, kur filloi ky sondazh mujor i Figaro-s.

LEXONI GJITHASHTU:

• VIDEO/ Kryeministri Rama dhe bashkëshortja e tij darkojnë me çiftin Macron në Elysee
• Macron: Objektet e vjedhura nga Luvri do të gjenden dhe autorët do të ndëshkohen