Ministria e Shëndetësisë propozon draft për sigurinë e dhurimit të gjakut dhe indeve

Ministria e Shëndetësisë ka hedhur për konsultim publik një projektligj për vendosjen e standardeve të cilësisë dhe sigurisë për substancat me origjinë njerëzore, si gjak, qeliza dhe inde, të përdorura në riprodhimin mjekësor të asistuar dhe inseminim artificial.

Drafti synon të garantojë sigurinë dhe cilësinë e këtyre substancave, duke mbrojtur si dhuruesit, marrësit dhe pasardhësit e procesit. Projektligji përfshin të gjitha fazat e përdorimit të substancave: regjistrimin e dhuruesve, testimin, mbledhjen, përpunimin, ruajtjen, shpërndarjen dhe aplikimin te njeriu.

Ai promovon solidaritetin, dhurimin vullnetar dhe vetë-mjaftueshmërinë, duke rritur besimin publik në sistem.

Ligji nuk do të zbatohet për transplante organesh, qumështin e gjirit të nënës që përdoret për fëmijën e saj, ose materialin që përdoret nga i njëjti person pa përpunim të mëparshëm.