Tubimi ultra-ortodoks kundër shërbimit ushtarak në Jerusalem, vdes një 15-vjeçar

Një tubim masiv ultra-ortodoks hebre kundër rekrutimit ushtarak u shndërrua në vdekje në Jerusalem të enjten, kur një djalë adoleshent u rrëzua për vdekje gjatë demonstratës.

Sipas mediave izraelite, rreth 200 mijë persona, kryesisht burra dhe djem, dolën në rrugë për të kundërshtuar detyrimin për shërbim ushtarak, duke bllokuar autostradën Route 1 që çon drejt Jerusalemit.

Në pamjet e publikuara nga mediat vendase  shihen disa protestues, të cilët kishin hipur mbi kulme ndërtesash, vinça dhe madje mbi një pompë karburanti. Shërbimi izraelit i urgjencës njoftoi se një 15-vjeçar u rrëzua për vdekje, ndërsa policia ka hapur një hetim për incidentin.

Çështja e përjashtimit të ultra-ortodoksëve nga ushtria ka qenë prej kohësh burim përçarjesh të thella në shoqërinë izraelite dhe ka shtuar presionin politik ndaj kryeministrit Benjamin Netanyahu.

Udhëheqësit fetarë ultra-ortodoksë theksojnë se përkushtimi i të rinjve ndaj studimeve të shkrimeve të shenjta është i shenjtë dhe frikësohen se rekrutimi do t’i largonte nga jeta fetare.

Gjykata Supreme e Izraelit ka urdhëruar vitin e kaluar t’i jepet fund përjashtimit të ultra-ortodoksëve nga detyrimi ushtarak, ndërsa parlamenti izraelit vijon të përballet me vështirësi për të miratuar një ligj të ri për rekrutimin.

LEXONI GJTIHASHTU:

• Profesori izraelit nga Jerusalemi: Po na gjuajnë me raketa, lufta është mbrojtje
• Izraeli rrethon Jerusalemin Lindor, autoritetet palestineze: Po fshihet identiteti