Nexperia ndalon furnizimet me çipa në Kinë, kërcënohet prodhimi global i makinave

Nexperia, prodhuesi i çipave të automobilave me seli në BE ka pezulluar furnizimet për fabrikat kineze, duke përshkallëzuar një luftë tregtare që kërcënon të ndalojë prodhimin e makinave në të gjithë botën.

Kompania u shkroi klientëve këtë javë duke i informuar ata se të gjitha furnizimet për një fabrikë kineze ishin pezulluar. Drejtori i përkohshëm ekzekutiv i Nexperia-s, Stefan Tilger shkroi se kishte pezulluar dërgesat në fabrikën Dongguan, në provincën jugore të Guangdong, duke thënë se kjo ishte një pasojë e drejtpërdrejtë e dështimit të fundit të menaxhmentit lokal për të përmbushur kushtet e pagesës së kontraktuar të dakorduara.

Nexperia tha se ende shpresonte të rifillonte dërgesat dhe donte të qetësonte situatën. Një sërë prodhuesish makinash kanë paralajmëruar për mundësinë e mungesës së komponentëve që janë thelbësorë në të gjitha makinat moderne.

Industria e automobilave vuajti nga mungesa të mëdha të gjysmëpërçuesve pas pandemisë së koronavirusit, por këto ndikuan në çipat më të përparuar, në vend të atyre më të lirë të kontrollit të fuqisë të prodhuar nga Nexperia. Kompania përgjithësisht dërgon më shumë se 100 miliardë produkte në vit, që përdoren në pjesë që variojnë nga airbag-ët dhe sediljet e rregullueshme deri te pasqyrat anësore dhe mbyllja qendrore.

LEXONI GJITHASHTU:

• VENDIMI/ Bashkia e Kamzës rrit çmimin e biletës së transportit urban
• Aksident në Holandë, treni përplaset me kamionin