Marrëdhëniet Kinë-Mali i zi, Xi bisedë me Gjukanoviç: Gati të investojmë në vendin tuaj

Mali i Zi është vendi i radhës ballkanas pas Greqisë dhe Serbisë, ku Kina po përpiqet të shtrijë influencën e saj.

Presidenti kinez, në një bisedë telefonike me homologun malazez, deklaroi se Kina mund të bashkëpunojë me Podgoricën në fusha të ndryshme, si për shembull për ndërtimin e infrastrukturës dhe njëkohësisht të avancojë marrëdhëniet dypalëshe në të mirë të dy popujve.

Nga ana e tij, Gjukanoviç nënvizoi se Mali i Zi do të bashkëpunojë me Kinën përveç se në fushën e infrastrukturës, edhe në atë të ekonomisë, arsimit, kulturës dhe turizmit. Ai u shpreh gati të mirëpresë investimet kineze në vend.