Dy vëllezërit shqiptar lihen me “Arrest shtëpie”, pas vrasjes së bashkëatdhetarit

Gjykata e Apelit e Venedikut ka vendosur të ulet dënimi për vëllezërit shqiptarë Klinton dhe Ilmi Rakipaj, 21 dhe 26 vjeç, nga 18 në 15 vjet, duke i lejuar të qëndrojnë në arrest shtëpiak me byzylyk elektronik. Ata akuzohen për vrasjen e bashkëkombasit të tyre 24-vjeçar, Albert Deda.

Ngjarja ka ndodhur më 23 korrik 2023, në lagjen Forcellini të Padovës, ku dy vëllezërit, banorë të Via Dorighello, në një konflikt fizik goditën Albert Dedën në zemër, duke i shkaktuar vdekjen. Po ashtu, ata plagosën rëndë dy të rinj shqiptarë, 26 dhe 28 vjeç, para se të largoheshin me një Renault Clio të kuq. Klinton dhe Ilmi u ndaluan ditën e nesërme nga policia rrugore e Palmanovas, në autostradën Villesse, rreth 20 kilometra larg kufirit italian, dhe më pas u arrestuan.

Gjatë procesit të apelimit, gjykatësi Lorenzo Miazzi mori parasysh rrethanat lehtësuese dhe sjelljen e mirë të vëllezërve gjatë vuajtjes së dënimit në burgjet e Vicenzas dhe Rovigos, duke u ulur dënimet me tre vjet. Gjithashtu, kërkesa e avokatit Marrone që të kryejnë pjesën tjetër të dënimit jashtë burgut u pranua. Si rezultat, Klinton dhe Ilmi Rakipaj do të qëndrojnë në shtëpinë e xhaxhait të tyre në zonën e Venedikut, duke mbajtur byzylykët elektronikë.

LEXONI GJITHASHTU: 

• Votim historik në Itali, miratohet Reforma në Drejtësi e propozuar nga Meloni
• EMRI| I dënuar në Itali për dhunë në familje, arrestohet 58-vjeçari