VIDEO/ Dyshohet se vodhi në 3 biznese, arrestohet 36-vjeçari në Vlorë

Një 36-vjeçar është ndaluar nga Policia e Vlorës, pasi dyshohet se ka kryer vjedhje të shumave të parave në të paktën tre biznese të ndryshme.

Në njoftimin zyrtar, Policia e Vlorës bën me dije se ka organizuar operacionin e koduar “Cashline” dhe ka vënë në pranga 36-vjeçarin E.Xh., banues në lagjen “1 Maji”, Vlorë.

“Sipas hetimeve, ky shtetas dyshohet si autor i tre vjedhjeve në qytetin e Vlorës, konkretisht:

Më datë 17.10.2025, në lagjen “1 Maji”, ka vjedhur 200 000 lekë në një lokal;

Më datë 14.11.2025, në lagjen “1 Maji”, ka vjedhur 100 000 lekë në një furrë buke;

Më datë 16.11.2025, në lagjen “Lef Sallata”, ka vjedhur 200 000 lekë”, njofton policia.

Policia e Vlorës bën të ditur se këto raste janë dokumentuar ndërsa materialet procedurale i janë referuar Prokurorisë për veprime të mëtejshme, për veprën penale “Vjedhja”.